Tunup Kujataani misigisassarsiorneq Aggustip ulluisa 30-iat 2025:

Kalaallit Nunarput annertoorujussuaq, takorloortuaannarnikuuara tamaat takorusuttarlugu ingamik Tunup kujataata nanoqarfiit tikissallugit. Ullut ilaanni sianerfigineqariataarpunga assiliisartutut Tunup Kujataata ilaannut nanoqarfiit ornillugit misigisassarsioqataraarusunnersunga, soorunami angerpara. Uannut sianertoq eqqaagamiuk ukiassamut takornariartitsinermut niuffatitsinersuarmut atatillugu assinik perusulluni assiliisutut peqataasussaagaluaq pisinnaanngimmat assiliisartutut peqataatikkusukkaanga. Takornariarnitsinni angallassisoq oqaluttuarivaa takornariarfipput nannut taakku najortuaannartaraat allaat nannut taakku nunatsinni nannut angalaannartuusuniit naleqqiullugit allaanerusut, tamannalu ilisimatuussutsikkut aamma uppernarsarneqarnikuusimavoq. Angalaneq Narsarsuarmiit Air Greenlandip qulimiguuanik angallanneqarluta Tunup Kujataani angallanneqarpugut. Siunertaagaluarpoq qulimiguulimmik Anorituup Kangerluaniit Targa-mik Puisortumut angallanneqassalluta ajoraluartumilli sila putsernera peqqutaalluni aatsaat ualikkut Narsarsuarmiit nalunaaqutaq marlunut aallarpugut Anorituup Kangerluani akunnerit marluk periarfissaralugit angallanneqaannarpugut. Air Greenland-ip qulimiguuanik tikikkatta niugatta nunarsuup tupinnangaartoq takuara, pinngortitarsuaq kusanaq tupinnaq tussunngunarluni allaat soorlu silaannaa nassuiaruminaatsumik allaanerusoq. Narsarsuarmiit inuit tallimaalluta angalanneqarpugut tassaallutik:

  • Arina Kleist, filmiliortoq

  • Alibak Hard, angallassinermi pisortaasoq

  • Josef Chemnitz Frederiksen, angallassisoq

  • Geoffrey Genttleman, nunani allani sorsuffiusuni eqqissiviilliortunilu tusagissiisartoq.

Angallanneqarpugut nalunaaqutaq akunnerini marlunni, ajoraluartumik nannut takusakkagut takunngitsoorpagut. Kisiannili assiliisartutut peqataatinneqarnera assut qujamasuutigisorujussuuara taamaattumik angallassisartuniit assut qujanarujussuaq peqataatinneqarsinnaagama. Tamannalu pillugu qujassutitut assit nittartaganni takutilaarpakka.

Næste
Næste

Project Two